澳門威斯汀渡假酒店三天兩晚食訓玩hea開心遊 Day 3 Part I

因為今天有人要陪少奶讀書, 所以早餐只有4人, 9 時出車到氹仔旺記

怱怱趕又怱怱追, 名乎其實為口奔馳

例牌的餐旦出前一丁, 凍奶茶, 水準不變

還有兩個外賣菠蘿包.

食過豐富早餐, 就返回酒店 hea 到 check out, 我地問酒店要左一間 late check-out 房, 來給慢慢吞吞地執拾的人做緩衝區, 威斯汀是一間有人情味的酒店, 點解咁講, 大家讀下去就知道.

話說我地最後 check-out 是12時半, 計劃到附近有名o既向海 Mirama 葡國餐廳吃午餐, 飯後坐2時的酒店巴士離開, 行李寄係威尼斯人, 就到新馬路作最後沖剌, 點知去到全滿坐, 我地無訂位 walk in, 只能坐外面的花園枱, 果日烈日當空, 又有蚊咬, 大家都覺得唔應該留低, 於是狂奔返酒店, 改乘1點的車.

點知1點o既車只剩下4個位, OMG, 咁點算呀 ~~~

酒店職工見到6傻在門口騰曬雞, 於是派出幾位型英帥靚正又溫柔o既 gentlemen安慰我地, 同時抽調只用來接載打高球客人的專車來載我地只去威尼斯人的短程客, 同車人還有其他人受惠呢, 這時大家都放下心頭大石.

上車時, 阿福用番文加竪起兩隻指公對班型男話 : Hundred thousands likes, 差在未有上前攬佢的衝動. 若換左其他酒店, 真係釆你都傻

好多人都話威斯汀又遠又舊, 但阿福反而鐘意, 因為佢真係一間可以完全放鬆的酒店, 聽到的是鳥語及海浪聲, 完全沒有刺耳的籌碼聲和強人的叫囂聲.

所以會另開酒店專頁, 給大家分享佢o既好處.

去到威尼斯人的行李寄存部寄了行李, 就走夾唔透. 

最後決定都返回氹仔吃葡餐, 因為三少和阿福都想吃多次鹽燒沙甸魚, 之後才去新馬路

2013年7月30日上午12:52