新會美食之旅三天兩夜大食玩hea團 Day 1 Part I

阿福上星期去左一轉大陸, 我地一行十人參加左新會美食之旅, 包左一圍枱, 食住都可以, 唉, 不過就經歷左一場波折 lor, 撞鬼

第一天出發集合時, 出門口已經落緊狗bu bu, 到深圳集合更加混亂, 四面被濕遮同喼轆來襲

最後係皇崗接人後開車上路, 已經係十點幾啦, 最弊就係一上高速無耐就塞車, 原定8個字去站厠所的車程, 而家用足兩個半鐘, 成車人忍 wei wei 忍到要暴走, 差D要在路邊解決, 咁攪法, 唔腎虧都有鬼啦

當人生大事得到解放之後, 領隊叫我地係加油站買D野頂住肚先, 因為去午飯的餐廳車程未有一半, 唉, 果度只有買好貴的魚旦牛丸, 唯有將就下.  輾轉去到餐廳, 已經係三點半, 飲下午茶都得啦

 

原來要起橋封左行車線, 加埋天雨有意外, 所以塞到阿媽都唔認得

餐廳番叮所有餸菜, 新鮮烤好的脆皮燒鵝, 都變成巢皮鵝啦



水旦最好味, 真係估佢唔到








可能大家好餓了, 8個字就食完飯, 於是立即起行, 趁景點未關門前去參觀

 

2013年8月29日下午2:20