一肚氣

因為老闆今日一早要係第二度開會, 唔會返公司, 所以就返工唔趕啦.

早一晚已經決定, 去返上次一日之計在於辰 ge連鎖快餐店, 再嘆返個靚早餐.

今次比上次遲左DD, 所以冇曬窗邊位, 冇計啦, 中間位都好坐架, 將個餐牌由頭 lun 到尾, 決定 order 呢個餐

點知落左 order 後, 等呀, 等呀, 等呀....

20分鐘過去啦, 隔離左右遲過我黎ge都食完new緊呀啦, 我ge 仲未黎, 阿福一向都以和為貴, 於是好禮貌地追下啦, 佢話來緊, 跟住就用對講機扮提下同事, 其實好明顯係漏左單. 

5分鐘又過去仍然都未有, 眼見已經8點3, 再唔食就會遲到, 於是又再問下啦, 點知佢見我好人事, 就晦氣的答我 : 放心, 已經同你落左單.

阿福心中當堂有一團火, 壓住度真氣話 : 我知, 半個鐘前你已經同我落左單, 但到而家D野都未到, 唔係好合理 lor.

呢個時候先見到有人奉左一盤野上黎, 佢即刻話 : 咪黎啦而家.

點知都係冇我份餐, 我話 : 我夠鐘返工啦, 請幫我取消 order啦.

佢尷尬的走左去, 當冇聽到我講野, 兩分鐘後, 我份餐先黎到, 我用左三分鐘倒左落個肚, 加埋一肚氣, 就走人啦.

呢餐真係食不知味, 要考慮好唔好再黎, 唔係食物有問題, 唔係環境唔好, 係個人有錯唔認的問題, 因咁樣小左個客, 何必呢





2013年8月9日下午9:24