新會美食之旅三天兩夜大食玩hea團 Day 2

由於前一日因為塞車, 我地行程推遲曬, 所以無左半日hea酒店ge時間, 只係剩返第二日朝早可以用下酒店設施.

 

但係呢間酒店ge泳池唔係酒店裏邊架, 要行出街去第二座樓架.

 

所以阿福為爭取時間, 於是孖住同房去隔離商場shopping, 唔游水啦.  我地決定係對架, 大家都有D斬獲咁啦

跟住我地去左周恩來都去過ge葵博園, 到此一遊啦,  種植葵樹曾為新會人民帶來財富, 並培育左唔少工藝師, 在葵制用品上寫詩畫畫,  令葵的身價提升不少

刻上了新會著名景點-小鳥天堂的鎮店之寶


嫦娥奔月


比翼雙飛 (個名阿福起ge)


唔好以為呢把係普通ge扇, 話說周總理當年來參觀呢位師傅刻扇時, 個師傅嚇到一額汗, 於是佢攞起呢把扇同師傅潑涼, 之後呢間館將把扇隆重的鑲起, 好似供奉咁款



話時話, 個師傅幾靚仔 wor


有D用辣雞刻, 有用衣車車上去








午飯後再去江門市規劃展覽館 - 遊客可以係模型上面的透面地板走動, 感覺就好以係度鳥瞰整個江門市, 幾過癮







跟住就去星光公園, 睇明星銅像, 明星但凡係江門新會鄉下的都會係度有留名, 國際性的就有手印及銅像, 阿福覺得這個最無聊, 無法啦, 用黎攝時間那啫, 唯有睇開D



這晚入住江門金冠凱悅酒店, 晚餐是酒店自助餐, 仲有show 睇, 睇完敬送宵夜. 

個 show 又嘈, 又被射燈殘眼, 加埋前後左右, 上上下下都有人煲煙, 又有人飲到 pair pair 夫, 阿福坐唔夠十分鐘就開始頭痛.




雖然酒店Lobby好Grand, 不過房ge間隔就唔係咁老泥啦, 若果沖沖下涼突然急 wei wei , 係要光脫脫行出沐浴間, 去另一邊的廁所架, 幾尷尬呢你話.

好在個泳池靚靚, 算佢啦

2013年8月29日下午9:03