出發前的準備

好野, 明天就出發過大海啦, 會帶埋回鄉證, 有時間就過珠海遊一遊

我地呢個組合, 是源自2009年尾一次日本關西遊, 行程去左和歌山, 京都, 宇治, 神戶, 有馬同大阪, 12日大家互相關照 , 一份同上路o既情誼就咁建立啦.

之後雖然冇再去長線旅行, 但間唔中都會去下短線旅行團, 而自由行去澳門, 今次係第三次啦.

為記念相識四周年, 我地都扑了鎚, 2014年來一次長線遊做記念, 地點係紐西蘭南島, 租車自駕遊.

今次去澳門, 我地除左會認真咁食訓玩之外, 亦會認真咁定出發日期, 行程天數同各項準備, 大家按恩賜分工做野.

黎到呢個 Blog真幸福, 刨左好多Blog友珍貴o既遊記, 實在獲益良多, 每個字都係有血有汗

有左呢本上天落地下海o既旅遊真經, 無慧根的阿福, plan 行程就唔駛咁騰雞啦

四年前剛到關西空港o既老爺, 夫人, 三少, 三少奶, 大小姐同祥福

2013年7月25日下午9:11