下一篇 : Day 5 - 12月25日 Haast Pass 聖誔日走在紐西蘭最美的路上
C. Franz Josef Top 10 Holiday Park
我地正午時份黎到 Franz Josef 的 township, 今天都十分熱, 我地係街頭搵地方食午餐, 都行到蒙古皇帝打仔, 大汗疊細汗.
Franz Josef 雖然只有兩條街, 但無敵雪山景, 邊度都可以睇到
我地就係呢間餐廳午餐, 奇怪係, 呢間餐廳門面係食中餐, 係廁所內都有錄音教老外講中文, 但實質佢係一間泰菜餐館, 真係無厘頭, 食物味道一般, 有乜驚喜
曬到燶呀, 老友
咁熱, 阿福行左3個鐘的 Franz Josef Glacier Valley Walk 之後, 上回程巴士時已經腳震震眼花花頭暈暈.
返到 township已經係5點半, 我地拿拿林返住宿 check-in.
Franz Josef Top 10 Holiday Park 真係超讚, 因為係對住個大雪山, 好震憾
不過, 今次住宿又有d唔同, 我地訂左兩個 Suite No. 3 and 6, 但間格就唔一樣
3號屋係兩層的組合, 阿福住下層, 內部係長方形單位, 由門口可以一直入到最裏面的睡房, 唔駛轉彎.
大門係落地玻璃, 晚上係呢到可以看到滿天繁星, 但早上都東斜, 好曬架.
門口入係客廳, 飯廳, 然後就係主人房, 跟住就係連廁浴室, 再入就係三人房, 有個後門, 出去就係小花園, 可以晾曬底橫, 好有私隱.
可惜忘記影相, 在網上只找到廚房的照片
這是個簡單廚房, 只有基本設備, 左手邊就係通向睡房的走廊.
經過這次事件, 阿福以後去旅行, 入住宿第一件事就係影相.
另一間6號屋, 就係 "L" 的間格
吧枱
係住宿洗去一身的塵土後, 乾乾淨淨去食平安夜晚餐.
我地揀左呢間 blueICE Restaurant & Bar
食物一流, 服務周到, Bravo !!!
Merry Christmas !!!
今日號外事件 : 飢饉聖誔
所有牛扒, 羊扒餐都好大份, 根本食唔曬, 於是打包, 唔好浪費.
埋完單離開餐廳, 已經9時後啦, 行到街外, 先知道出事, 只見條街靜英英, 超市, 便利店, 甚至油站都關門大吉.
OMG, 明天早餐凍過水, 因為是聖誔節, 全國都會休息一天.
然後上演一幕 : Franz Josef 街頭午夜狂奔 ...
最後, 比我地搵到仲未打烊的 coffee shop, 買了三文治同 Muffin頂住先, 呢件事會否預言我地要捱餓過聖誔呢?
E大姐拍心口, 明天早餐由佢負責, 尚膳宮休息一天.
不要為明天憂慮, 因為有咁靚環境, 阿福十分滿足, 加上當晚有好友促膝談心, 一起靜候救主降臨, 呢個平安夜, 阿福無論身體及心靈, 都得到最大的滿足與釋放.
哈利路亞 !!!
上一篇 : Day 4 - 12月24日 : Franz Joesf Glacier Valley Walk
下一篇 : Day 5 - 12月25日 Haast Pass 聖誔日走在紐西蘭最美的路上
--> 回頁頂
--> 到目錄
沒有留言:
張貼留言