下一篇: Day 10 - 12月30日 Part II : Shotover Jet 噴射快艇
30 December 2014 -- 今天密雲
今日12時正參加日團 --> Walter Peak Farm Tours
由於係中午先有活動, 大家訓到自然醒
今日頭條事件 : 疑似失竊老屈事件
雖然話訓到自然醒, 但阿福週身賤肉, 訓唔得咁晏就醒左, 剛洗完臉, 血壓仍低, 準備攞茶壺, 穿過三千呎o既大廳, 行去廚房泡杯茶醒醒.
沿途上見到亦十下十下早起o既人, 阿福好有禮貌咁叫早晨, 點知...
十下十下 : 唔好玩啦, 攞返出黎呀...
阿福 : 你講咩呀
十下十下 : 我件背心呀
阿福 : 我邊會有你件背心
十下十下 : 你玩野收埋囉
阿福當堂火都黎 : 你 X, 交叉YZ 呀, 邊個咁得閒收埋你件背心
十下十下 : 係得你同E大姐會玩d咁o既野, 我件背心放曬我d錢, 證件架, 尋晚食飯仲著住, 之後都冇出過街, 但而家唔見左, 一定係你地收埋玩野, 快d叫醒 E大姐, 叫佢比返我
阿福呢個時候已經火起三千, 若附近有刀, 就會 "立" 起黎殺人都有知, 可惜冇.
但同理心知道阿十下十下個心已經好慌亂, 所以阿福忍佢.
阿福二話不說, 入房將所有床單被舖搬曬出黎 : 我冇收埋你件背心, 搵清楚d
可能我地d聲量大, 嘈醒左S哥, 佢出黎幫手搵埋一份, 無幾耐全屋人都醒曬
老爺 : 死火啦, 可能比人釣左
只見房唯一個窗半掩, 老爺推理可能比人從外面釣走左件背心.
大家都好擔心, 於是最高尚宮企出黎, 叫大家圍埋一齊, 向天父禱告.
阿福之後坐係梳化, 見到茶几上面撒滿好好多書及旅遊介紹冊子, 呢d都係十下十下昨晚摷出黎, 做今日報活動參考.
阿福靈光一閃 : 會唔會放係櫃桶呀
十下十下 : 咦, 好似有個片段放過野入櫃桶
於是沖入房, 拉開個櫃桶...
丫唓~~~ 咪係度囉!!!
十下十下個下場, 唔駛講大家都知道會係點.
感謝天父, 祂常聽禱告.
阿福冷知識 : 屋大原來好易唔見野架
擾攘左一朝, 食完老鄧私房早餐已經好晏, 於是兵分兩路, 1路就準備今日 lunch pack, 另一路就去報活動, 然後係碼頭集合.
由住宿去日團公司步行只需15分鐘左右, 加上難搵位泊車, 於是今日 "408" 休息一天.
今天天氣密雲, 而且大風, 所以滑翔降傘活動未確定能否成團, 要到下午才知.
先出發去農場先
Queenstown TTS Earnslaw 農場體驗
得閒餵下牛羊馬,
阿福都可以唔駛放假
排隊上船啦, 呢架船已有一百年, 佢同鐡達尼號同年下水架, 不過佢只係行係 Lake Wakatipu 上乍
今天天氣真係麻麻地 :
懷舊 look
百年蒸汽船內部好大, 因為以前係攞黎運送牛羊馬的
16年前同福妹黎果時, 茶水係免費架, 今日就唔同 lu
輪船副 "計", 古老o既蒸汽鍋爐
水手鏟緊煤入去個爐度
到啦到啦, 上到岸出太陽
招呼我地o既導賞員姐姐, 來自上海的工讀生, 單獨時同我地講普通話, 親切, 可惜阿福唔記得佢叫乜名
鹿大哥 : 阿福, 你隻肥手都好好味, good ...
Warning : 欺騙動物的人
咩~ 咩~~ 咩~~~ (翻出來就是 : Hey man, don't touch me!!!)
吽~~~ 呢位阿Sir, 唔夠食呀, 求下你比多d
牛大哥, 我同你都係做牛做馬, 體諒下啦
小牛牛好 cute
呢位係羊駝
動物食飽, 到我地開餐啦, 小屋係美輪美奐o既餐廳, 咖啡, 茶及點心任飲任食, 完全免費
湖邊雅座, 好正
開餐啦喂!
週圍種滿玫瑰花
開心快拍
食飽飽就去睇剪羊毛及牧羊犬趕羊 show, 呢位剪羊毛大叔, 佢係碼頭做埋水手架, 真係 multi-skill 啦
表演完趕羊 show 的乖乖牧羊狗
16年前, 呢個農場o既羊咩係通地走架, 仲會追住遊客攞食, 但今日所有動物都圍住曬, 隔個網黎餵, 阿福問導賞員姐姐原因 (當然係d好爛o既普通話啦, 好在佢聽得明), 原來曾經發生過動物受驚跳左落湖事件, 所以而家全部圍住曬.
不過, 阿福都係覺得呢個農場比以前冷清左, 以前趕羊 show 係有3隻牧羊犬, 趕一大群羊, 係山坡上追逐, 好精彩.
但今日只有1隻狗狗, 趕十隻八隻羊, 實在無癮. 以前真係由農夫黎 order 狗狗趕羊, 而家就由導賞員姐姐 one foot kick
完曬節目, 大家就去隔離手信店血併.
阿福冇印象, 16年前好似無手信店.
又密雲啦! 夠鐘要回程 lu ~~~
回程我地坐甲板, 因乜事笑到咁 high?
拜拜
遠望對岸, 是往 Glenorchy -- Gateway to the Paradise 的公路
旅途在此結束, 祝各位旅途愉快
Queenstown 碼頭 snapshot
呢幾位應該係剷煤入鍋爐o既大隻佬, 型呀
Kiwi Brid 大彫塑
大賊福行踪敗露
上到岸大約4時, 街道明顯比昨日人少, 可能天氣關係, 因為開始有微雨
我地又再兵分兩路, 1路去超市買靚扒, 另1路去問下滑翔傘活動情況, 看看可否開到團.
日團後感 :
16年前阿福已經參加過呢個團, 所以無甚新鮮感, 如果對動物無興趣o既人黎講, 呢個團確實幾悶架, 而且成3個半鐘, 都佔唔少時間, 反而參加10時果團, 時間就會較易安排些.
好在各位同路人都玩得開心, 阿福就安樂啦.
上一篇: Day 9 - 12月29日 第六站 : 鑽金皇后 皇后鎮 Queenstown
下一篇: Day 10 - 12月30日 Part II : Shotover Jet 噴射快艇
--> 回頁頂
--> 到目錄
